ဈေးရောင်းသူတွေကို တတ်နိုင်သလောက် အခမဲ့ကြေညာပေးသွားမယ်ဆိုတဲ့ ယုန်လေး

လတ်တလောလူမှုကွန်ရက်မှာတော့ အနုပညာရှင်တော်တော်များများ ဈေးရောင်းနေကြတာကို တွေ့မြင်ရမှာပါ။ အခုလိုအချိန်ကတော့ အလုပ်တွေ၊ရိုက်ကူးရေးတွေ အကုန်ရပ်နားထားတာမို့ တချို့ကလည်း အားမနေချင်လို့ ဈေးရောင်းကြသလို တချို့ကလည်း ဝမ်းရေးအတွက် မဖြစ်မနေလုပ်ကိုင်နေကြရတာပါ။

အနုပညာရှင်တွေကိုယ်တိုင် ဈေးရောင်းလာကြတာမို့ တကယ်အသက်မွေးဝမ်းကျောင်းအလုပ်အနေနဲ့ ဈေးရောင်းနေတဲ့သူတွေအတွက် ခက်ခဲနေတယ်ဆိုတဲ့ ဝေဖန်မှုတွေလည်း ထွက်ပေါ်လျက်ရှိပါတယ်။

ယုန်လေးကတော့ ဒီကိစ္စနဲ့ပတ်သက်ပြီး သူ့ရဲ့အမြင်ကို “အနုပညာရှင်တွေ ဈေးရောင်းတာနဲ့ ပက်သက်ပြီး ပြောဆိုနေကျတာ စိတ်မကောင်းပါဘူး ..အခုပြောမယ့် စကားကိုအနုပညာရှင် အချင်းချင်းကာကွယ်တယ်လို့ မမြင်စေချင်ပါဘူး

Covid ဖြစ်တယ် အကုန်အဆင်မပြေကြဘူး .ပုံမှန် ဝင်ငွေ မရှိတဲ့ အချိန်မှာ ပုံမှန်ဝင်ငွေပြန်ရှိအောင် လူတိုင်းဖန်တီးရမှာပဲ . တက်ကျိုးရင် လက်နဲ့ လှော်ရမှာပဲလေ… ထိုင်နေလို့မှ မရတာ

Covid ဖြစ်တော့ ပုံမှန်လည်ပတ်နိုင်အောင် မကျွမ်းကျင်တဲ့ အလုပ်ကို အရဲစွန့်ပြီး စမ်းတဝါးဝါး လုပ်ကျတယ်. အောင်မြင်မယ် ဘယ်သူ့မှ မထင်ထားပါဘူး. ပရိတ်သတ်တွေက ချစ်ပြီး မထင်ထားတဲ့ အရာတွေ ဖြစ်တော့…

အလုပ်အဆင်ပြေရင် လူတိုင်းပျော်တယ်လေ . တစ်ယောက်စကား တစ်ယောက်ပေါ့ အဲ့လိုလုပ်ရင်းနဲ့ အရမ်းများလာတာပါ ” ဆိုပြီး ရေးသားခဲ့ပါတယ်။

ထပ်ပြီးတော့လည်း အမှန်တကယ်ရောင်းချနေတဲ့ ပရိသတ်တွေအတွက်လည်း သူ့ဘက်ကလုပ်ပေးနိုင်တဲ့အရာလေးတစ်ခုအနေနဲ့ မိမိတို့ရောင်းကုန်ကို ဓာတ်ပုံရိုက်၊ ဆိုင်နာမည်နဲ့ လိပ်စာအပြည့်အစုံကို ပို့ပေးဖို့ ပြောကြားခဲ့ပါတယ်။

အွန်လိုင်းကနေ ကြေညာပေးတဲ့အနုပညာရှင်တွေအတွက် အနုပညာကြေးရှိပေမယ့် ယုန်လေးကတော့ သူ့ဆီကို စားစရာမုန့်တွေလည်း လုံးဝပို့ပေးဖို့မလိုတဲ့အပြင် အကုန်လုံးကို အခမဲ့ကြော်ငြာပေးသွားပါမယ်တဲ့

ပရိသတ်ကြီးရေ…အနုပညာရှင်တွေဈေးရောင်းနေတာကြောင့် ခက်ခဲနေတဲ့ဆိုတဲ့ အမှန်တကယ်ဈေးရောင်းသူတွေကို သူ့ဘက်က တတ်နိုင်သမျှ ပြန်ကူညီချင်လို့ပါဆိုပြီး ရေးသားမျှဝေခဲ့တာပဲ ဖြစ်ပါတယ်။