စည်သူပလပ်ကျွတ်ထံမှ မိုးတွင်းစီးများဝယ်ယူပြီး ဆိုက်ကားဆရာများနှင့် စည်ပင်ဝန်ထမ်းများအား ကိုယ်တိုင်သွားရောက် လှူဒါန်းမယ့် ခိုင်နှင်းဝေ

ပြည်သူချစ်အနုပညာရှင်တစ်ယောက်ဖြစ်တဲ့ ပရဟိတမင်းသမီးလေး ခိုင်နှင်းဝေကတော့ မိဘမဲ့ကလေးတွေကိုမိခင်နဲ့မခြားကာကွယ်စောင့်ရှောက်ပေးနေသူတစ်ယောက်ဖြစ်ပါတယ်။

ဒါ့အပြင်အလှူအတန်းဆို လက်မနှေးသူဖြစ်တာကြောင့် လိုအပ်တဲ့နေရာတွေမှာလည်း တတ်နိုင်တဲ့ဘက်ကနေ လှူဒါန်းမှုတွေ ပြုလုပ်ပေးနေတဲ့ သူတစ်ယောက်ဖြစ်ပါတယ်။

အခုဆိုရင်လည်း ခိုင်နှင်းဝေက မိုးရာသီရောက်လာပြီဖြစ်တဲ့အတွက် ဆိုက်ကားဆရာများနှင့် စည်ပင်ဝန်ထမ်းများအတွက် မိုးတွင်းစီးဖိနပ်များကို စည်သူပလပ်ကျွတ်ထံမှဝယ်ယူပြီး လှူဒါန်းမယ့်အကြောင်းကို အခုလိုပဲပြောပြလာခဲ့တယ်။

ခိုင်နှင်းဝေကတော့ “ အခုလာမယ့် စနေနေ့ မှာ မိုးတွင်းစီးဖိနပ် အရံ ၂၀၀ ခန့်အား ကိုစည်သူပလပ်ကျွတ်ထံမှ ဝယ်ယူ၍ ဆိုက်ကားဆရာများနှင့် စည်ပင်ဝန်ထမ်းများအား ကျမကိုယ်တိုင်သွားရောက် လှူဒါန်းမှာ ဖြစ်ပါတယ်ရှင်

မိုးတွင်းကာလမှာ မနှစ်ကလို ထီးနှင့် မိုးကာများ လှူဒါန်းဖို့စိတ်ကူးဖြစ်ပေမယ့် ဆရာတော် ဘုရားများဟောကြားချက်များမှာ အပေါ်မှ အမိုးအကာများ အရေးကြီးပေမယ့် ခြေဖြင့် နင်းပြီးသွားရတာဖြစ်လို့ ဆူးညှောင့်ခလုပ်များကိုလည်း ခြေဖြင့်သာ နင်းမိနိုင်သောကြောင့် ဖိနပ် အလှူဟာ သိပ်မြတ်ပါတယ်တဲ့ရှင်။

ဖိနပ်ဟာ စီးတော်ယာဉ်ပဲမို့ ကားလှူတာနဲ့ ထပ်တူကျလို့ အလှူရှင်များ လိုရာခရီးကို အမြန်ဆုံးရောက်အောင် ပို့ဆောင်နိုင်ပါတယ်လို့ ကျမ တရားမှာ နာခဲ့ဖူးတယ် …….

ယခု တကယ်လိုအပ်တဲ့ အောက်ခြေလူတန်းစားတရပ်ဆီသို့ ကျမကိုယ်တိုင်အရောက်သွားလှူဒါန်းမယ့် အလှူလေးမှာ ကျမနဲ့အတူ ပါဝင်လှူဒါန်းလိုပါကလည်း အတူတူစုပေါင်းလှူဒါန်းနိုင်ပါကြောင်းနိဗ္ဗာန်ဆော်ဩ လိုက်ပါ‌တယ်ရှင် ”ဆိုပြီး ပြောထားတာပဲဖြစ်ပါတယ်။

ပရိသတ်ကြီးကလည်း ခိုင်နှင်းဝေရဲ့ မွန်မြတ်လှတဲ့အလှူလေးမှာ ပါဝင်လှူဒါန်းကုသိုလ်ယူနိုင်ပါတယ်နော်..။